السؤال ليش منحب نابلس؟

السؤال ليش بنحب نابلس ؟؟


1_لانه كل المحلات في البلد والقهاوي والتكسيات لازم يسمعوا ام كلثوم اخر النهار. وصحاب المحلات حتى اصحاب البسطات بكونو حاطين نفس تمباك باب المحلات وقاعدين اخر النهار



2_لانه في نابلس بتقدر تعيش نهار كامل (تفطر حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15 شيكل





3_لانه في نابلس شو ما يصير اجتياحات ويدخلو اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد والشوارع. وكل واحد بحكي عن بطولاته مع الجيش



.


4_لانه في نابلس بسرعه بتنتشر الاشاعات والاخبار فش اشي مخبا يابا !



.5_ لانه في نابلس كل الناس بقربو لبعض وكل الناس بتعرف بعض وكل الناس بعرفو اخبار بعض




. 6_لانه في نابلس كل الناس بتكون بتكزدر في البلد ليلة وقفة العيد ومعجوقين .ومش شارين اشي

.



.7_ لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الحلويات الزاكيه.





.

8_لانه في نابلس بتكون مصاحب تنين ما الهم علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني البلد شبكة.


9_لانه في نابلس في عكوب، والزلام قبل النسوان بعكبو لما يبلش موسم العكوب .وكل الناس بتخزن ابصر اكم كيلو لطول السنه.





6_لانه في نابلس اللبن تلت انواع نعاج وسمار وبقر. وبيجي في مرتبان اقزاز ولازم تاخد معك الفاضي لما بدك تشتري لبن لانه ما برضى يعطيك اياه صاحب المحل بدون الفاضي او بحطلك اياه بكيس.


7_لانه في نابلس كل الناس في النهار بتكون تكزدر وتلفلف في البلد وفي الليل نفس الشباب والبنات بتلاقيهم بكزدرو في رفيديا.!




8_لانه في نابلس اول ما تتعرف على حد جديد يا بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي فاتحين ابصر وين"



.9_ لانه كل شوارع نابلس مفتوحه عبعض يعني مستحيل تضيع بنابلس ولو تضيع وتسأل واحد في الشارع عن المكان الي رايح عليه بتلاقي كل الي في الشارع صارو يدلوك ومن كل قلبهم بكونو نفسهم ما تضيع وتوصل للمكان الي بدك اياه.




10_لانه في نابلس لما تصير طوشه بتلاقي نص مليون واحد متجمعين. وكل واحد بسأل التاني شو في؟




11_لانه من نابلس ابراهيم طوقان وفدوى طوقان ولانه كتير ناس مشاهير عيلتهم النابلسي او عيلتهم بتلاقي اصلها من نابلس ولانه في نابلس مكتبة البلديه وجامعة النجاح وفي نابلس كمان حارة الاريون وحارة الياسمينه والحمام التركي وحمام السمرا و في الصابونه النابلسية ولانه نابلس من المدن العريقه في الوطن العربي ، وهي تاني اقدم مدينة بالعالم بعد اريحا .




12_لانه نابلس من اول المدن الي كان فيها سينما يعني سيدي الي عمره 70 سنه لحق السينما بايام شبابه وبس هالايام ما في ولا سينما شغاله.




13_لانه عند كل الناس غدا العرس يوم العرس الا عند اهل نابلس تاني يوم العرس .




14_لانه في نابلس تالت يوم العزا بعملو دلايل وبجيبو كنافه .




15_لانه كل اهل نابلس بحبو نابلس وما بحبو يطلعو منها .



16_لانه في نابلس دايما بتلاقي تنين صحاب واحد نابلسي والتاني فلاح ودايما متناقرين بس عن مزح



17_لانه في نابلس اغلب شفيرية التكاسي بسمعو لمصطفى كامل !




18_لانه لهجة اهل نابلس فش زيها و في مصطلحات فش زيها " الله يزلك " ، "ومووتيي" وابصر شو !



19_لانه في نابلس في ناس من 3 اديان عايشين ومبسوطين وعمره ما صار بينهم مشاكل(مسلمين ومسيحيه وسمرا)




20_لانه في نابلس لما تشتريلك لبسه وتفكر حالك جايب اشي جديد تاني يوم بتلاقي نص شباب البلد لابسين نفس اللبسه.




21_لانه في نابلس ما بتدفي الدنيا شوي الا بتلاقي كل اهل نابلس يوم الجمعه نزلو عالباذان




22_لانه في نابلس ما بفتح مطعم جديد او قهوه جديده بتلاقي كل الشباب راحو عليه . وبعد شهر ببطل يفوت عليه حد .




23_لانه في نابلس اذا فتح محل اشي جديد ومشيت معه كلها شهر زمان وبتلاقي نص اهل البلد فتحو محلات متله.




. 24_لانه كل شباب نابلس يا بشجعو ريال مدريد يا برشلونه .ودايما متناقرين
ا

ههههههههه
يسلمووو كتير شكلك زكية مو متل بنات هالمنتدى لللل هههههه
بدي اضيف وحدة
25_لأنو بعد يومين بدهم يعملو ع الدوار اكبر صدر كنافة في العالم كلو ومساحتو 75 متر وبألبو 35 الف كيلو كنافة

اه ولله يا جلوس معك لما نطلع من نابلس ما بنصدق نرجع عليها ونشم هواها ونمشي فيها

بس تعدديل ع كلامك انه حالياً ما في سنما فتحو سنما سيتي ع الدوار في المشروع الجديد وصار عنا سنما اخيراً


ويعطيكي العافيه ع مجهودك والف شكر لأالك

طيب جلوس عرفينا ع اسمك ومدرستك انتي بصفي عشان اسير ادرس انا وياكي وشو دخلتي علمي ولا ادبي ولا تجاري؟

[shokra 3mar ana b3rfha alsnma mo 7loa s7?
adam almoshahden a7ke?
ok ana bl 7aja rajda
a5det adpee
mmmm sho bdk be 2osme hhhhhhhhh
w anta b2ay mdrse w sho a5det

اها وانا بالصلاحية واخدت ادبي بردو بس ما عرفتينا ع اسمك هههه

هههههههه احتمال صح كلامك

هههههههههههههههه ما انتي اول وحدة كنتي بدك تتعرفي عليها هلأ بطلتي
عمار في ان بالموضوع هههههه

مرسي كتير جلوس كتييييييييير حلو

يسلمممموووو على الموضوع
بس انتي انسيتي شغلة

لأنو انا ساكن بنابلس صارت نابلس حلوة ههههههههههههه

هاد هو الحكي عشان ابو رجب مانتا جاسوس يا زلمه
سعد همو ع بطنو وع الكنافه
ههههههههههههههههه
ميرسي يا جلوس ع الموضوع الحلو وجهدك مع انك لساتك جديده
بس والله انك انشط منا
مشكوره

بحب نابلس لانو اول شي انولدت فيها لو انولدت مثلا بجنين بحب جنين
بس نولدنا بناااااابلس جبل النار

بحب نابلس لانو في من رجالها زلاااااام مش بس بالهويه لااا وبالفعل

واكبر دليل الي حرق المنصه تاع المهجرااان الله يسعد امو والله انو ابوي زلمة وهو من ضهر زلااام
بحب نابلس لانو ضحو عشانها رجال ابطال ونسوان كمااان
عنا الشهيد ناايف ابو شرخ
والشهيد مجدي مرعي
والشهيد عبد الحليم سالم وفادي قفيشه والقذافي
والشناوي والملهم ابو جميلة ونادر الاسود والقائمه تطول
وفي صبايا شاركو بالوطنيه
الاستشهاديه زينب ابو سالم وست كبيره من دار جودالله بردو استشهاديه
ونااس كتير
بحب نااابلس لانو اهل نابلس الكل بحبهوووش بتعرفو ليش
لانو احنا اكت رنااااس فهمانين بفلسطين كلها
واشرس نااس واكرم ناااس



ناااابلس فيهااشياء حلوه كتيييييييييييييييير
بس للاسف
في ناس عم بضيعو الشغلات الحلوه في ناااابلس وبدهم يانانصير رام الله التانيه
بس اهل ورجال نابلس رجال بضلو

ههههههههههههههههههههههههههههههههههه
والبنات بضلو بنات
ههههههههههههههههههههههههههههههههه

ههههههههههه

والله كلامك كلو مزبوط يا اسلام

يسلمو كتير جلوس على الموضوع

هيو سيف بفهم

ميرسي كتير جلوس
بس هيدا الموضوع مش من اختراعك حبيبتي
اوك
لانو في بمنتديات كتييييييييييير
و اجاني مسج على ميلي

بس على كل ميرسي كتيييير على المووضووع الحلوو
الي مش من اختراعك

ميرسي كتير ع هذا الموضوع